Google ADS

Gruaja e Radojiçiqit po intervistohet nga policia në veri

14:48 | 6 Qershor 2024
R J

Bashkëshortja e Milan Radoiçiqit, Ema Radoiçiq aktualisht ndodhet në stacionin e policisë në veri të Mitrovicës.

Sipas burimeve të Arbresh.info, ajo është duke u intervistuar nga hetuesit policorë në veri nga departamenti i Krimeve të Rënda në prani të avokatit të saj.

Ende nuk dihet nëse ajo është paraqitur vetë në polici apo është arrestuar nga organet e vendit.

Ndryshe, Milan Radoiciq është i dyshuari kryesor për sulmet më 24 shtator në Banjskë edhe pse ai kishte pranuar publikisht organizimin e sulmit, megjithatë vazhdon të jetë i lirë pasi është larguar nga Kosova pas sulmit.

Pas 24 shtatorit dha dorëheqjen nga posti i nënkryetarit të Listës Serbe, partisë më të madhe të serbëve në Kosovë, e cila gëzon mbështetjen e Beogradit zyrtar./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm